அந்தோ பரிதாபம்;
காதலி
காட்டாற்று வெள்ளத்தில் - நம்
தாஜ்மஹால்
கரைந்து போவதா ?
என்
முத்தத்தின் சுவடுகள் - உன்
கண்ணீராலேயே
கழுவப்படுவதா ?
காதலி...!
மீண்டும் வா
உறுதியாய் கட்டுவோம்
கன்னங்களில்
தாஜ்மஹால்கள் அல்ல
இதயங்களில் - இருப்பிடங்கள்..
நிரந்தரமாய் !!
இது 1998ம் ஆண்டு இலங்கையின் 50வது சுதந்திர தினத்தன்று நான் எழுதிய கவிதை. இன்றைய காலகட்டத்திற்கும் பொருத்தமாகவே இருக்கிறது. எனவே உங்களுடன் பகிர நினைத்தேன்.
---------()-()-()----------
நாற்பத்தி எட்டில்
பரிசாக நாம் சில
பொற்காசுகள் பெற்றோம்...
*
வெள்ளைக்காரன் தந்த
சில்லறைக் காசை நாம்
கைகளில் வாங்கவில்லை;
பைகளில் வாங்கினோம்.
*
ஐம்பது வருடங்களாய்
மாற்றி மாற்றி
பையைக் குலுக்கினா்
அரசியல்வாதிகள்.....
*
காசெல்லாம் சிங்களவர்க்கு!
ஓசை மட்டும் தமிழருக்கு!!
-------------
